1. Tərəflər Bu Məlumat və Satış Müqaviləsi (“Müqavilə”) aşağıda göstərilən şərtlərlə Alıcı (“Alıcı”) ilə Satıcı “AISHA” Məhdud Məsuliyyətli Cəmiyyəti VOEN:1406524391 (Satıcı) arasında elektron şəkildə yaradılmışdır. Müqavilə çərçivəsində Alıcı və Satıcı birlikdə “Tərəflər” və fərdi qaydada isə “Tərəf” adlandırılacaqlar .
Term Mənası Alıcı Məhsulu şəxsi istifadə üçün alan şəxs Satıcı MMəhsulu təqdim edən hüquqi şəxs Platforma Rəsmi satış saytı / mobil tətbiq Kuryer Məhsulu çatdıran şirkət Məhsul Sifariş üzrə özəl günlərə xüsusi hazrlanmış qaşlı və sadə formada istehsal olununmuş libaslar, gəlinliklər və müxtəlif növ parçalar
Bu Müqavilə Alıcının Satıcının satış saytı (platforma) üzərindən Satıcıya sifariş olunan və dəyəri Alıcı tərəfindən tam ödədiyi məhsulun Satıcı tərəfindən Alıcıya karqo vasitəsi ilə çatdırılması və ödənişin həyata keçirilməsi qaydalarını müəyyən edir. Tərəflər müqavilə üzrə öz öhdəliklərini və məsuliyyətlərini bildiklərini və başa düşdüklərini qəbul edir, bəyan edir və öhdələrinə götürürlər.
Sifariş verməzdən, Müqaviləni yaratmazdan əvvəl Alıcı Satıcının satış saytının (Platformanın) müvafiq səhifələrində və bölmələrində, müqavilədə və müqavilənin bağlanması və icrası ilə bağlı bütün digər formalarda, o cümlədən sadalananlar da daxil olmaqla, bütün ümumi və xüsusi izahatlara görə məsuliyyət daşıyır. Bunlar barədə dəqiq və tam məlumatlandırıldığını və onları oxuyub başa düşdüyünü qəbul edir, bəyan edir və öhdəsinə götürür. Alıcı sifariş öncəsi aşağıdakılar haqqında Satıcı tərəfindən əvvəlcədən məlumatlandırıldığını öhdəsinə götürür və bəyan edir: • Sifariş üzrə hazırlanan məhsul təsviri, ölçüləri, materialı • Sifariş olunan məhsulun qiyməti, vergi və çatdırılma xərcləri • Məhsul sifariş üzrə hazırlandığından məhsulun geri qaytarma və ya dəyişdirmə hallarının olmadığı • Ödəniş qaydaları və təhlükəsizlik • Sifariş etdiyi məhsulun çatdırılma ünvanı dəqiqliyi və tamlığı barədə məsuliyyəti • Satıcının adı və ya vəzifəsi, VÖEN, yaxud vergi identifikasiya nömrəsi və əlaqə məlumatları və digər eyniləşdirmə məlumatları • Satıcının üzvü olduğu peşənin quruluşunu müəyyən etdiyi davranış qaydaları haqqında məlumat əldə edə biləcəyi elektron əlaqə məlumatları • Satıcı, Alıcının tətbiq etdiyi məlumatlara tətbiq edilən məxfilik, məlumatların istifadəsi, emalı və elektron rabitə qaydaları və Satıcıya bu məsələlərdə Alıcı tərəfindən verilən icazələrin həcmi, Alıcının hüquqları, Satıcının hüquqları və Tərəflərin hüquqlarını həyata keçirmə prosedurları • Məhsul üçün qəbul edilən ödəniş üsulları-alətləri, vergilər daxil olmaqla Məhsulun ümumi satış qiyməti (Sifarişin çatdırılacaq ölkənin gömrük rüsumu və qanunvericiliyindən irəli gələn digər vergilər istisna olmaqla) • Məhsulun Alıcıya çatdırılması prosedurları, xərcləri kimi əlavə xərclər haqqında məlumat • Məhsulla bağlı digər ödəniş və çatdırılma məlumatları, müddəti və müqavilənin icrası, bu məsələlərdə Tərəflərin öhdəlikləri ilə bağlı digər məlumatlar • Alıcının sifarişdən geri çəkilmək hüququnun olmaması • Müqaviləyə daxil olan bütün digər satış şərtləri, xarakterindən asılı olaraq Saziş satış saytında (Platformada) Alıcı tərəfindən təsdiq edildikdən və müəyyən edildikdən sonra Müqavilənin Alıcının tələbi əsasında Alıcıya elektron poçt vasitəsilə göndəriləcəyi • Mübahisə halında Alıcının satış saytı (Platforması) vasitəsilə müraciət edə biləcəyi barədə məlumat
Sifariş saytından istifadə Alıcının riski altındadır. Sayta kənar şəxslərin qanunsuz müdaxilə edə bilməsinə görə Satıcı bu saytdan əldə edilən məlumatlara güvənərək meydana çıxan hər hansı zərər və ya itkiyə görə məsuliyyət daşımır. Saytdakı məlumatlar xəbərdarlıq edilmədən istənilən vaxt dəyişdirilə bilər. Satıcı digər saytların bu sayta link verməsinə və ya bu saytdan linkləndirilməsinə görə məsuliyyət daşımır. Satıcı saytdakı məlumatların dəqiqliyini təmin etmək üçün səy göstərir, lakin qanunsuz müdaxilə nəticəsində yarana bilcək səhvlərə görə məsuliyyət daşımır və məlumatların tamlığına və yeniliyinə zəmanət vermir. Məlumatlar xəbərdarlıq edilmədən dəyişdirilə bilər. Saytda təqdim olunan məhsullar Satıcının sifariş üzrə özəl hazırlanan məhsul kolleksiyalarını təmsil edir. Satıcının təqdim etdiyi məhsullar əl işidir və özəl olaraq lüks və xüsusi istehsal məhsuludur. Üzərində muncuq (qaş və ya biser) olan məhsulların üzərindən muncuqun düşməsi təqdim olunmuş məhsulun qüsurlu olmasına dələlət etmir.
ALICI MƏLUMATI:
Çatdırılmalı Şəxs:Lale Karimova
Çatdırılma Ünvanı:Green Avenue 24, Central District, Baku, Azerbaijan
Telefon:+994 55******* :
Faks
E-poçt/İstifadəçi adı:[email protected]
SATICI MƏLUMATI
Satıcının hüquqi ünvanı / Adı :”AISHA” Məhdud Məsuliyyətli Cəmiyyəti
Satıcının faktiki ünvanı:AZ1007,BAKI ŞƏHƏRİ NƏSİMİ RAYONU,KAVEROÇKİN,ev.30 :
Satıcının VÖEN :1406524391 :
Satıcının mobil ve elektron ünvan məlumatları:+994 50 472011 / [email protected]
Məhsul və Ödəniş Məlumatı Sifariş olunacaq məhsulun əsas xüsusiyyətləri (model, rəng, bədən ölçüsü, qiymət) Satıcının satış saytında (platformada) mövcuddur. Alıcı həmin xüsusiyyətləri əvvəlcədən araşdırmaqla məhsulu bəyənir və həmin sayt (platforma) üzərindən Satıcıya seçdiyi məhsulu sifariş verir. Sifariş alındıqdan sonra Satıcı məhsulun tam video-görüntülərini Alıcıya göndərir. Alıcı həmin görüntülərlə məhsulun bəyindiyini təsdiq etdikdən sonra hazır məhsul Alıcıya çatdırılması üçün karqoya təslim edilir. Məhsula dair göndərilmiş video-görüntülərə 24 (iyirmi dörd) saat ərzində münasibət Alıcı tərəfindən bildirilməməsi məhsulun Alıcının bəyənildiyi kimi qəbul edir və bununla razılaşır. Sifariş edilmiş bəzi məhsulların Satıcı tərəfindən tam hazırlanma müddəti 3 (üç) gündür. Həmin müddət Sifariş edən tərəfindən qəbul edilir.
• Sifariş olunan Məhsulun detallı təsvirləri məhsul səhifəsində göstərilir. • Ödəniş yalnız onlayn qəbul edilir • Məhsul üzrə məbləğ Alıcı tərfindən Satıcıya tam ödənildikdən sonra sifarişın qəbul edilməsi Satıcı tərəfindən təsdiqlənir və sifariş olunan məhsul müqavilədəki qayadada və müddətdə karqoya təqdim olunur . Sifariş olunan məhsul üçün ödənilməli olan bütün məbləğlər (sifariş üzrə çatdırılmalı olan ölkənin (dövlətin) bütün vergiləri istisna olmaqla) aşağıdakı cədvəldə göstərilmişdir.
Parça
Metrlə Nağd Qiymət (AZN) Ümumi
Məhsul Təsviri Blue Mermaid Dress Eni 1,
Uzunluğu
12 metr 1metr=45 x 12 azn 540 azn
Karqo tutarı - - 80.99 azn 80.99 azn
Cəmi: 620.99 azn
Çatdırılma Ünvanı : Bakı /Azərbaycan
Çatdırılma Şəxs : Nigar Safarliya
Fatura Ünvanı : Bakı /Azərbaycan
Sifariş Tarixi : 04.11.2025
Çatdırılma üsulu : Beynəlxalq çatdırılma
Karqo Şirkətinə Çatdırılma Müddəti : 05-11-2025
Ödəniş üsulu : Onlayn
Göstərilən müddət çatdırılma öhdəliyi deyil, Satıcı tərəfindən karqo şirkətinə çatdırılma müddətinə aiddir.
• Məhsulun çatdırılma üçün karqoya təslimetmə müddəti:1 (bir) gündür
• Xarici göndərişlərdə gömrük, vergi və digər əlavə rüsumlar Alıcıya aiddir
• Alıcı elektron ünvan və çatdırma ünvan məlumatlarının düzgün daxil etməlidir
• Kuryerin məhsulu Alıcının bildirdiyi ünvanına çatdıra bilməməsi və ya məhsulun alınmaması halında məsuliyyət Alıcıya məxsusdur. •
Sifariş olunan məhsul Alıcı tərəfindən müqavilədə qeyd olunmuş qaydada əvvəlcədən bəyənilərək qəbul edildiyindən (təsdiqləndiyindən) məhsul geri qaytarılmır və dəyişdirilmir.
Satıcı: • Məhsulu sifariş təsvirinə və video-görüntüsünə uyğun təqdim etmək
• Alıcının seçərək sifariş etdiyi və video-görüntü üzrə bəyəndiyi məhsulu çatdırmaya təqdim etmək
Alıcı: • Ölçü cədvəlinə uyğun məhsul seçimi etmək
• Məhsulun video-görüntüsünə 24 (iyirmi dörd) saat ərzində baxaraq fikrini bildirmək
• Çatdırılma məlumatlarını düzgün vermək
• Sifariş Alıcı tərəfindən elektron poçt vasitıəsilə qəbul edilərək təsdiqləndikdıən sonra sifarişi geri çəkməmək
Alıcının bildirdiyi ünvanda olmaması səbəbindən çatdırma həyata keçirə bilməzsə, karqo şirkəti saxlama, işğal haqqı, məhv etmə siyasəti tətbiq oluna bilər. Bunlarla bağlı Satıcı heç bir məsuliyyət daşımayacaq. Alıcı öz səhkənkarlığı və məsuliyyətsizliyi səbəbdən çatdırılmış məhsulu almazsa, sifariş üzrə müqavilə Satıcı tərəfindən icra olnmuş hesab olunur və Məhsul haqqı Alıcıya geri qaytarılmayacaq və Alıcı nəticədə hər hansı zərəri (mənfəət itkisi, kompensasiya, üçüncü tərəf iddiaları və s.) tələb edə bilməyəcək. Məhsulun çatdırılması və çatdırılma ilə bağlı gömrük və digər xərclər, əksini nəzərdə tutan hallar istisna olmaqla, Alıcıya məxsusdur. Məhsulun icrasının qeyri-mümkün olduğu hallarda, Satıcı bu vəziyyəti bildiyi vaxtan etibarən 3 (üç) gün müddətində Alıcıya e-poçt və ya yazıcı vasitəsilə məlumat verməli, Alıçı razılaşmadıqda məhsulun və çatdırılma xərcləri də daxil olmaqla bütün ödənişləri bildiriş tarixindən sonra 3 (üç) gün ərzində Alıcıya geri qaytarılmalıdır. Karqo vasitəsilə çatdırma məsafəsində məhsula dəyə biləcək zərərə görə Satıcı məsuliyyət daşımır. Çatdırıldıqdan sonra Məhsulu diqqətlə qorumaq Alıcının məsuliyyətidir. Alıcı Müqavilənin predmeti olan məhsulun qiyməti və karqo xidmət haqqının ödəməyə borcludur. Hər hansı səbəbdən Müqavilənin predmeti olan məhsulun qiymətinin ödənilməməsi və/və ya Bank qeydlərində ləğv edilməsinin Satıcının Məhsulu çatdırmaq öhdəliyinə xitam verəcəyini qəbul edir, bəyan edir və öhdəlik götürür. Müqavilə çərçivəsində Alıcı sifariş etdiyi məhsulun Satıcı tərəfindən hazırlanadək məhsulun alınmasından imtina etməsi səbəbdən məhsulun dəyərinin Alıcıya geri qaytarılmalı tələb olunduğu hallarda, Satıcı məhsulun dəyərini ona ödəyən Banka – Alıcının hesabına qaytarır. Həmin məbləğin Banka qaytarılmasından sonra Alıcının hesablarında əks etdirilməsinin tamamilə Bankın əməliyyat prosesi ilə bağlı olduğunu Alıcı qəbul edir, bəyan edir və öhdəlik götürür. Bank mümkün gecikmələrə görə məsuliyyət daşıyır və bunlara görə Satıcı məsuliyyət daşıya bilməz. Alıcı Satıcıya sifariş etdiyi məhsulların çatdırılma müddətində toplu və yaxud ayrı-ayrı bağlamalarda ona çatdırıla biləcəyini qəbul edir, bəyan edir və öhdəsinə götürür.
Alıcı razılaşır ki, məlumatları yalnız sifarişin icrası məqsədilə işlənəcək və üçüncü tərəflərlə (karqo, kuryer, banklar və s.) paylaşılacaq. Satıcı bu müqavilə çərçivəsində əldə etdiyi şəxsi məlumatların təhlükəsizliyinin və qorunmasının təmin edilməsinə əhəmiyyət verir. Satıcı bu müqavilə çərçivəsində əldə etdiyi şəxsi məlumatları Azərbaycan Respublikasının qanunvericiliyə uyğun olaraq emal edir və paylaşır. Alıcı bu Müqavilə çərçivəsində təqdim edilən şəxsi məlumatların düzgün, tam və aktual olmasını yoxlamağa, qanunla müəyyən olunmuş hallar istisna olmaqla bu məlumatları üçüncü şəxslərlə paylaşmamaqla bağlı lazımi tədbirləri görməyə borcludur. Alıcı müraciətlərə aidiyyatı olmayan şəxslər tərəfindən onlara daxil olmasının qarşısını almaq və sözügedən şəxsi məlumatların təhlükəsizliyini təmin etmək, əks halda üçüncü şəxslərdən yarana biləcək hər hansı zərər və iddialara görə şəxsən məsuliyyət daşıdığını qəbul edir, bəyan edir və öhdəlik götürür. Alıcı, hazırkı müqavilə çərçivəsində məhsulun təqdim edilməsi üçün şəxsi məlumatlarının iş ortaqları, xidmət təminatçıları və səlahiyyətli qurum və təşkilatlarla paylaşılacağını bildiyini etiraf edir və bildirir. Saytının hər cür məlumat və məzmunu, onların təşkili, yenidən baxılması və qismən və tam istifadəsi ilə bağlı Satıcının müqaviləsinə əsasən digər üçüncü şəxslərə məxsus olanlar istisna olmaqla bütün əqli-sənaye hüquqları və mülkiyyət hüquqları Satıcıya məxsusdur.
Alıcı heç bir səbəb göstərmədən və heç bir cərimə ödəmədən Satıcının saytı (platforması) üzərindən ona sifariş tarixindən etibarən 1 (bir) iş günü ərzində Müqavilədən imtina etmək hüququna malikdir. Lakin Alıcı, Satıcı ilə bu Müqavilənin bağlandığı tarixdən etibarən 3 (üç) iş günü ərzində bu Müqavilənin icrasına başlanılmasına açıq razılıq verir. Məhsulun Alıcı tərəfindən hazırkı müqavilədə qeyd olunmuş qaydada təsdiqləndiyi andan etibarən Alıcı Müqavilənin icrasından (sifarişindən) imtina edə bilməz. Müqavilənin icrasından imtina hüququ Məhsul üçün Müqavilə bağlandığı gündən başlayır. Müqavilənin icrasından imtina hüququ barədə bildirişlər qanunvericiliyə uyğun olaraq, satış saytında (Platformada) göstərilən və ya Satıcının rabitə ( elektron ünvan və ya Whatsapp ) kanalları vasitəsilə edilməlidir. Müqavilənin icrasından imtina bildirişinin ediləcəyi rabitə kanallarına https://wa.me/+994504720110 linkindən və electron ünvan “[email protected]” daxil olmaq mümkündür. Müqavilənin icrasından imtina həyata keçirildikdən sonra Müqavilənin predmeti olan məbləğlər 30 (otuz) iş günü müddətdə Alıcının istifadə etdiyi ödəmə üsulu ilə Alıcıya qaytarılır. Alıcı bu maddədə nəzərdə tutulmuş müddətdə və qaydada Müqavilənin icrasından imtina hüququndan istifadə edəcək, əks halda bu imtina hüququnu itirəcəkdir. Bu Müqavilənin müddəalarına zidd olmadan, Alıcı aşağıdakı hallarda, hüquqlrı məhdudlaşmadan, Müqavilənin icrasından imtina edə bilməz: Sifarişin istəklərinə və ya şəxsi ehtiyaclarına sifarişinə uyğun hazırlanmış mallarla bağlı müqavilələr
Bu müqavilənin həyata keçirilməsində Azərbaycan Respublikasının Qanunvericiliyi tətbiq olunacaq və hazırkı müqavilədən irəli gələn bütün mübahisələr Azərbaycan Respublikasının qanunvericiliyinə əsasən Bakı şəhər Məhkəmələrində həll olunur.
Qanunvericilikdə sadalanan məcburi hallar istisna olmaqla, Müqavilə üzrə Tərəflər arasında bütün yazışmalar elektron poçt vasitəsilə və müqavilədəki Whatsapp vasitəsilə aparılacaqdır. Alıcı bu müqavilədən irəli gələn mübahisələrdə Satıcının komputer və digər qeydlər və sənədlərinin müstəsna və mötəbər sübut təşkil edəcəyini, sübut müqaviləsi xarakterində olduğunu qəbul edir, bəyan edir və öhdəsinə götürür.
15 (on beş) bənddən ibarət olan bu Müqavilə Tərəflər tərəfindən oxunmaqla və əməliyyat tarixində Alıcı tərəfindən elektron şəkildə təsdiq edilərək bağlanır və qüvvəyə minir. Müqavilənin bir nüsxəsi Alıcının üzvlük hesabında mövcuddur və sorğu əsasında elektron poçtla da göndərilə bilər.